Shoqata Kulturore“Vizioni M” në bashkëpunim Shoqatën Qytetare per Kulture dhe Edukim Shëndetësor ProVita për vitin e tretë me rradhë organizuan aksionin për dhurimin e gjakut nën moton “Gjak për jetë”. Ky aksion u zhvillua më 24 mars 2016 në ambientët e shoqatës në Tetovë.
Qëllimi i këtij organizimi, tashmë tradicional është ngritja e vetëdijes shëndetësore të popullatës dhe ofrimi i ndihmës për gjithë ata që kanë nevojë për gjak.
E veçanta e këtij aksioni ishin dhuruesit nga Kosova, Presheva dhe nga qytete të ndryshme të Maqedonisë.
Gjatë këtij aksioni u grumbulluan rreth 35 njësi gjaku dhe për dallim nga vitet e kaluara interesimi ishte më i madh për të dhuruar gjak.
Nga reparti i transfuziologjisë në Tetovë u shprehën të kënaqur nga ky aksion me shpresë se ky bashkëpunim do të vazhdoj edhe viteve tjera.
