Shoqata Kulturore “Vizioni M”, edhe këtë vit realizoi manifestimin tradicional ”Kandilat e Bajramit”. Treni i Bajramit kaloi nëpër lagjet e Çairit për të përcjellë së bashku muajin e shenjtë të Ramazanit, dhe për të mirëpritur me hare festën e madhe të Fitër Bajramit, destinacioni i fundit i trenit të Bajramit ishte sheshi para xhamisë Murat Pashë ku edhe u organizua hepeningu për fëmijë “Fidanët e Bajramit”
Në ndërkohë për vizitorët e Çarshisë nga ana e shoqatës edukative Parimi u realizua Ekspozita Stringël (Bizhuteri) dhe Art. Në fund të këtij manifestimi për fëmijët e pranishëm u shpërnda nga një pako bajrami të përgaditur enkas për ta.
Përkrahës kryesor i këtij organizimi edhe këtë vit ishte Qyteti i Shkupit, si dhe kompanitë private Aldako, Kanan, Okeankom Trejd, Orbiko dhe A-Invest.
Vizioni M ua uron të gjithëve festën e Fitër Bajramit, me shpresë që të takohemi kështu së bashku edhe bajrameve tjera!
